Subscribe Twitter FaceBook

اعلانات توظيف جوجل

انضم لجروبنا على الفيسبوك .. تصل رسائلنا مباشرة
===========================
http://www.facebook.com/home.php?#!/group.php?gid=238212052935

الخميس، 29 يوليو 2010

يوم المهندس المصري 2 و3 أغسطس في قاعة المؤتمرات القرية الذكية + مسابقة لمشروعات التخرج

يوم المهندس المصري 2 و3 أغسطس في قاعة المؤتمرات القرية الذكية
الايفينت ده هيبقى فيه 3 أنشطة رئيسية

1- مشاريع التخرج من جميع كليات مصر هتيجي وتخش مسابقات فيها جوايز مالية وبتكون فرصة حلوة أوي انك تعرف أفكار المشاريع بالاضافة انها هتكون فرصة ليهم ان مندوبين من الشركات هيشوفو المشاريع دي وممكن يظبطو مع صحاب المشاريع دي بمشاركة في رعاية المشروع والطلبة بعد التخرج ده غير الوزراء والمسئولين اللي هيجو عشان يشاركو في تقييم المشاريع في المسابقات

...2- هيبقى فيه سيشن كتيرة هيتكلم فيها متخصصين ومديرين من كبار شركات الهندسة سواء اتصالات او كمبيوتر او غيرها من التخصصات والمجالات المخلتفة في الجديد في كل مجال وهيبقى عندك الفرصة انك تسالهم في اي حاجة انت عايزها

3- هيبقى فيه شركات عالمية موجودة بتقدم فرص عمل او تدريب وطبعا فيه نشاطات تانية كتيييرة زي الانشطة الطلابية بالاضافة للحاجات اللي هتكتبها هنا قريب

بالنسبة للمكان والزمان
يوم 2 و3 أغسطس (الاتنين والثلاثاء)
المكان
قاعة المؤتمرات في القرية الذكية (عند الهرم الزجاجي) هنخصص اتوبيسات عشان توصلكو وتجيبكو
أول طريق اسكندرية الصحراوي

وهيبقى فيه اتوبيسات هتتحرك من ميدان رابعة العدوية وميدان التحرير عشان تاخد الناس اللي مش هتعرف تيجي بالمواصلات او غيره وهيتحدد قريب ان شاء الله مواعيد الاتوبيسات دي بالظبط في اقرب فترة ممكنة


الدخول: مجانا لكل الناس ومش شرط طلاب او خريجي هندسة

للتسجيل ومزيد من المعلومات:
http://www.ieeegoldegypt.org/EED/Visitors.aspx


الصفحة الرسمية على الفيس بوك وهتلاقوها فيها بردو صور المؤتمر السنين اللي فاتت
http://www.facebook.com/pages/Egyptian-Engineering-Day-2010/122167164474744


3 التعليقات:

غير معرف يقول...

على فكرة ده كلام كذب ... الهدف من ده عمل حملة اعلانية للشركات الراعية ( سبونسر) و ظهورها على الساحة ... انا كنت بحضر الحوار ده بقالى كام سنة ... و نفس الكلام .. تيجى الشركة الراعية ... تعمل حملة اعلانية ... و تختار كام مشروع ... اختيار عشوائى جدا ... و المولد يتفض ... و كل مشروع و انت طيب

غير معرف يقول...

للاسف فعلا هذا الكلام فعلا بروباجندا ... و مجرد دعاية للسبونسر ... و مفيش منه فايدة .. انا خريج هندسة عين شمس 2007 و حضرت المؤتمر ده اكتر من مرة ... و فى النهاية .. لا شئ

غير معرف يقول...

نصيحة للمهندسين الجدد ... فككو من هذه الاعلانات الوهمية ... ابحثو عن وظائف اكثر فائدة و نفع ... لان هناك كثير من الشركات تريد استغلال الطلبة تحت مسمى المشروع ... انا خريج دفعة 2008 هندسة اسكندرية ...

إرسال تعليق

احدث الوظـــــــــــــــــائف التي تم استعراضها